Rajoni

KROACI – Ish-kryeministri Sanader dënohet sërish me burg për korrupsion

Ish-kryeministri kroat, Ivo Sanader, i cili udhëhoqi qeverinë konservatore nga viti 2004 deri në 2009 u dënua me gjashtë vjet burg, në shkallën e parë të gjykimit, pasi u shpall fajtor për korrupsion.

Mbi të rëndoi akuza e shitjes së një pjese të ndërmarrjes kroate të naftës ”Ina” te gjiganti hungarez MOL, përpara 10 vjetësh.

Së bashku me ish-kryeministrin, u dënua në mungesë me dy vjet burg, edhe kryetari i bordit të kompanisë MOL, Zsolt Hernadi, i cili gjithmonë ka refuzuar të paraqitet në gjyq duke e konsideruar procesin një operacion politik.

Gjykatësi ka theksuar se Hernadi i ka paguar në vitin 2008 një ryshfet prej 10 milionë eurosh Sanaderit për ta siguruar atë që qeveria kroate do të favorizonte për kontrollin e naftës kompaninë hungareze.

Kjo kontratë ku MOL ka 49% të aksioneve të ”Ina”-s, ku qeveria kroate është aksionarja e dytë me 45%, i ka shkaktuar një dëm serioz interesave të Kroacisë.

Sanader është dënuar edhe në dy raste të tjera korrupsioni, njëra prej të cilave u konfirmua në Kasacion, ndërsa një gjykim i tretë është ende në vazhdim.

Ish-kryeministri nuk ishte i pranishëm në dhënien e dënimit, të cilin e mësoi nga burgu i Zagrebit.

Related Articles

Leave a Reply

Your email address will not be published. Required fields are marked *

Back to top button