Bota
BM – Londra zvogëlon stafin e ambasadës në Bagdad dhe Teheran
Britania e Madhe ka ulur numrin e stafit në ambasadat e saj në Teheran dhe Bagdad për shkak të tensioneve të larta në rajon, pas vrasjes së gjeneralit të lartë iranian Qassem Soleimani javën e kaluar.
“Tërheqja e disa diplomatëve është një masë paraprake”, njoftuan mediet lokale përfshirë Sky News.
“Ambasadorët Rob Macaire në Teheran dhe Stephen Hickey në Bagdad do të qëndrojnë në vend”, sipas raportimeve.
“Siguria e stafit tonë është më e rëndësishme dhe ne kujdesemi gjithmonë për gjendjen tonë të sigurisë”, theksoi zëdhënësi i zyrës së jashtme për median lokale.
“Të dy ambasadat tona në Bagdad dhe Teheran mbeten të hapura”, shtoi ai.
