Kryediplomati francez: BE-ja e Britania do ta shqyejnë njëra-tjetrën në bisedime
Britania e Madhe u largua zyrtarisht nga Bashkimi Evropian dy javë më parë, por ende bën tregti si anëtare e bllokut përgjatë periudhës kalimtare deri më 31 dhjetor të këtij viti, shkruan “BBC”.
Duke folur në Konferencën e Sigurisë në Mynih, kryediplomati Le Drian tha se dy palët janë larg njëra tjetrës sa u përket qëndrimeve në disa çështje, transmeton Gazeta Express.
“Mendoj se do ta shqyejmë njëri-tjetrin, kur të bëhet fjalë për tregtinë dhe mekanizmat për marrëdhëniet në të ardhmen”, tha ministri francez.
“Sidoqoftë, kjo është pjesë e bisedimeve, secili do t’i mbrojë interesat e veta”, shtoi ai.
Zyrtari i lartë francez nuk është figura e parë evropiane që e paralajmëron Britaninë për vështirësi. Një gjë të tillë më parë e kanë bërë edhe presidentja e Komisionit Evropian, Ursula von der Leyen, dhe shefi i BE-së për negociata, Michel Barnier.