Kronika

Tamponi e nxori negativ, por skaneri zbuloi koronavirusin tek pacienti në Shkodër, frikë për mjekë të prekur

Një tjetër rast pozitiv me koronavirus është shënuar në Shkodër.
Një person nga Puka ka qenë i shtruar në spitalin e Shkodrës dhe pas analizave me tampon fillimisht ka rezultuar negativ ndërkohë që pas analizës me skaner ai është konfirmuar pozitiv. Burme për Top Channel bëjnë me dije se pas këtij rasti po i nënshtrohen analizave i gjithë personeli i spitalit mjekë dhe infermierë që kanë pasur në mbikëqyrje këtë pacient. Ndërkohë me këtë rast numri i të prekurve nga koronavirusi në Shqipëri ka shkuar në 124.

Ministria e Shëndetësisë bëri të ditur ditën e djeshme se ka shkuar në 5 numri i personave të vdekur, të cilët kanë qenë të prekur me koronavirus. Ndërkohë 10 qytetarë deri në këto momente janë shëruar (të shtruar dhe të vetizoluar) pas dy testeve të kryera. Por ata duhet të qëndrojnë në vetëkarantinim për 14 ditë.

“Harta e të prekurve nga COVID-19 është shtrirë tashmë edhe në Lezhë, Has dhe Berat dhe zgjerohet në Tiranë, Korçë, Fier. përveç rasteve të zbuluar për të cilat po kryhet hetimi epidemiologjik dhe ku po punohet me shumë intensitet nga epidemiologët për gjurmimin e kontakteve të rasteve pozitive dhe ndërprerjen e transmetimit të infeksionit”, bën të ditur Ministria.

Related Articles

Leave a Reply

Your email address will not be published. Required fields are marked *

Back to top button