Politika

Rama njofton masa të reja shtrënguese, por edhe lehtësime: Brenda 15 prillit…

Kryeministri i vendit Edi Rama me anë të një postimi në Facebook ka njoftuar se në lidhje me masat e reja shtrënguese për sa i përket frenimit të përhapjes së CoVid-19 po përgatitet për t’i dërguar në parlament.
Sipas Ramës do të bëhen ndryshime në kodin penal & rrugor në mënyrë që të mbrohen qytetarët nga njerëz të pabindur.

Po kështu Rama njofton se do të ketë edhe disa masa lehtësuese në ditët në vazhdim, por do të ndërmerren në përputhje me sigurinë e shëndetit të çdo qytetari.

Kryeministri njofton se brenda 15 prillit do të kemi paketën e zgjeruar financiare dhe gatishmërinë për miratimin e masave lehtësuese në qeveri, si edhe të masave të reja penale në kuvendin e Shqipërisë.

“Masat e reja shtrënguese, për të cilat po përgatitemi t’i drejtohemi parlamentit për ndryshime në kodin penal & rrugor të republikës së Shqipërisë, në kushtet e gjendjes së fatkeqësisë natyrore dhe specifikisht epidemisë, nga njëra anë do të mbrojnë popullin nga të pabindurit deri në fund të kësaj lufte, nga ana tjetër do të garantojnë lehtësimet e nevojshme në vazhdim, duke siguruar shëndetin e çdo qytetari

 Heqja e lejes së drejtimit të automjetit për disa vjet, e po ashtu heqja e lirisë, për disa apo shumë vite sipas shkallës së shkeljes, do të kthehen në norma bindëse për të siguruar fitoren e luftës pa rrezikuar arritjet e derisotme dhe rrugën e rimëkëmbjes ekonomike pa cënuar shëndetin e askujt

Brenda 15 prillit do të kemi paketën e zgjeruar financiare dhe gatishmërinë për miratimin e masave lehtësuese në qeveri, si edhe të masave të reja penale në kuvendin e Shqipërisë” shkruan Rama.

Related Articles

Leave a Reply

Your email address will not be published. Required fields are marked *

Back to top button