Home / Kronika / Ndërron jetë në mënyrë të papritur në moshën 78 vjeçare, profesori Sabit Brokaj

Ndërron jetë në mënyrë të papritur në moshën 78 vjeçare, profesori Sabit Brokaj

Ka ndërruar jetë në mënyrë të papritur profesori i njohur Sabit Brokaj. Brokaj u nda nga jeta në moshën 78 vjeçare nga një atak kardiak.
Brokaj lindi në 7 janar 1942, në Vlorë. Nga viti 1959 deri në vitin 1964, Brokaj shërbeu si ndihmës mjekësor në një nëndetëse.

Pas diplomimit në fakultetin mjekësor të Universitetit të Tiranës në 1969, Brokaj vazhdoi të shërbente si shef mjekësor i një brigade në Shijak nga 1969 deri në 1972.

Nga 1972 në 1984, Brokaj punoi si kardiolog në spitalin ushtarak në Tiranë . Ai udhëtoi në Francë për të studiuar kardiologji në 1979 dhe ekokardiologjinë vitin 1982. Gjatë kësaj periudhe, Brokaj ishte një nga mjekët personalë të Enver Hoxhës.

Karriera e tij në politikë

Brokaj hyri në politikën shqiptare pas rënies së diktaturës komuniste, duke u rreshtuar pranë Partisë Socialiste.

Fillimisht, shërbeu si Ministër i Shëndetësisë nga shkurti deri në Dhjetor 1991. Ai u zgjodh Deputet i Asamblesë Popullore në 1991, 1996 dhe 1997. Më 25 korrik 1997, Brokaj u emërua Ministër i Mbrojtjes, post që e ka mbajtur deri në vitin 1999.

One comment

  1. Edhe unë, si shumica e bashkëkombësve, me dhembje të madhe e mësova lajmin për ndarjen nga jeta të të pavdekshmit, Dr. Sabit Brokaj.
    Ju lutem familjarëve dhe miqve besnik të Dr.Sabitit, që të me lejojnë edhe mua, pjesëmarrjen në dhembjen e tyre, ashtu si shumicës të shqiptarëve. Nuk do ta harroj kurrë pritjen që më bëri në Ministrinë e Mbrojtjes të Shqipërisë, kur isha Përfaqësues politik i LKÇK, jashtë trojeve të okupuara. Ministri Sabit Brokaj, më priti miqësisht dhe më inkurajoj, duke me këshilluar vëllazërisht për legjitimitetin e zhvillimit dhe të vazhdimit të luftës së Famëmadhës UÇK, deri ribashkimin e trojeve shqiptare të ndara padrejtësisht…
    U përkujtoftë përjetësisht ky BIR BESNIK i Atëmëmëdheut të shqiptarëve!

Leave a Reply

%d bloggers like this: