Dy kandidatë padisin KED/ U skualifikuan për në kushtetuese, ndërsa KED është në shkelje me noteren Bejtja
Por ndërsa skualifikoi kandidatet e tjerë qe pretendojnë se janë penalizuar padrejtësisht, Këshilli i emërimeve në Drejtësi është zhytur në paligjshmëri dhe shkelje të Kushtetutës në procesin e vlerësimit të kandidatëve për anëtarë të gjykatës kushtetuese ne rastin e paraqitjes se emrit te Sonilja Ibrahimi Bejtja.
Shkelja më flagrante është se këshilli i emërimeve në drejtësi zgjedh si kandidate një notere kur Kushtetuta e përjashton këtë profesion. Këshilli i emërimeve në drejtësi merr përsipër rolin e gjykatës kushtetuese që të interpretojë Kushtetutën dhe ta shpjegojë shkeljen e saj me nevojën urgjente për ndërtimin e gjykatës Kushtetuese.
Ky nuk është i vetmi problem në këtë zgjedhje dukshëm të sforcuar nga ana e Këshillit të Emërimeve në Drejtësi, por ka edhe më shumë. Në relacionin që tregon se Noteres i jepet leja të kandidojë për anëtare të gjykatës kushtetuese, tregohen se janë mbledhur të dhënat për një vetting të saj. KED ka marrë të dhëna nga tatimet dhe qendra kombëtare e biznesit por duket se nuk vënë re lëvizjet që Sonila Ibrahimi Bejtja bën duke u regjistruar në aktivitet avokati e duke u çregjistruar Brenda një kohe të shkurtër. Në asnjë nga niptet ajo nuk ka të publikuara si të raportuara bilancet e punës së saj gjatë vitit 2018.
