Kronika

Falsifikim dokumentesh/ Gjykata e Posaçme kundër Korrupsionit dënon ish-anëtarin e KPA, Luan Daci

Gjykata e Posaçme Kundër Korrupsionit dhe Krimit të Organizuar, shpalli fajtor ish-anëtarin e Kolegjit të Posaçëm të Apelit Luan Daci për akuzën e falsifikimit të dokumenteve.

Sipas vendimit, gjykata vendosi pezullimin e dënimit me burg dhe konvertimin e tij në 12 muaj prove.

Vetë Luan Daci u shpreh se do ta apelonte vendimin pas përfundimit të seancës.

Luan Daci është zyrtari i parë i organeve të Vettingut që përballet me drejtësinë ndërkohë që KPA e ka pezulluar nga detyra menjëherë pasi u mor i pandehur.

Prokuroria kërkoi 1 vit burg për Luan Dacin anëtarin e Kolegjit të Posaçëm të Apelit për të cilin ishte ngritur akuza për falsifikim dokumentesh. Prokuroria e Posaçme e akuzoi Luan Dacin se ka falsifikuar dokumentet me qëllim fitimin e postit si gjyqtar i posaçëm i Kolegjit të Apelimit.

Në sajë të hetimeve ka rezultuar se gjyqtari i KPA nuk ka deklaruar një masë administrative të marrë në vitin 1997. Në atë kohë Këshlli i lartë I Drejtësisë ka shkarkuar Dacin nga detyra e gjyqtarit, për paaftësi dhe shkelje të ligjit.

Është pikërisht kjo shkelje që nuk e kualifikonte Dacin për të mbajtur statusin e prokurorit ose gjyqtarit dhe për këtë nuk mund të jetë më pjesë e Kolegjit të Posaçme të Apelimit

Related Articles

Leave a Reply

Your email address will not be published. Required fields are marked *

Back to top button