Kronika

Kontenieri me 143 kg kokainë nga Ekuadori/ Ja kush janë dy administratorët e firmës pritëse në Shqipëri

Dy administratorët e arrestuar për kontenierin me kokainë që u kap ditën e shtunë në portin e Durrësit me 200 pako droge janë Klajdi Xibraku, 30 vjeç dhe Erion Peti, 42 vjeç, të dy banues në Tiranë. Të dy janë administratorët e firmës pritëse në Shqipëri të kontenierit që transportonte banane dhe kishte drogë të fshehur në tavan.

Ngarkesa që vinte nga Ekuadori kishte kaluar tranzit në Itali dhe u kap nga skaneri në portin e Durrësit. Operacioni është koduar “El Mejor” dhe në pamjet e drogës të siguruara duket fotografia e stampuar e Pablo Escobar.

Droga ishte e ndarë në 200 pako. Dyshimet e autoritetit portual kanë lindur për shkak te origjinës nga vinte ngarkesa e shkarkuar nga anija e konteinerëve ”Dance”, me flamur portugez dhe menjëherë është vendosur në zonën e rrezikut, ku i është nënshtruar një kontrolli më të imtësishëm ne skaner.

Ngarkesa me banane i përket kompanisë Masabi Fruits, me qendër në Kombinat Tiranë. Në fillim të muajit prill me të njëjtën linjë trafiku u kapën dhe sekuestruan 49 kg kokainë të fshehur në kolonat e një kontenieri të ardhur me ngarkesë bananesh për llogari të kompanisë së Selim Çekajt, babait të Arbër Çekajt i dënuar për trafikun e 613 kg kokainë.

Related Articles

Leave a Reply

Your email address will not be published. Required fields are marked *

Back to top button