Zyrtare: Kosova pranohet në Komitetin Olimpik Ndërkombëtar (Video)
Komiteti Olimpik i Kosovës është pranuar në Komitetin Olimpik Ndërkombëtar.
Tanimë është zyrtare. Atë që Express e njoftoi një ditë më parë, Komiteti Olimpik Ndërkombëtar ka pranuar Komitetin Olimpik të Kosovës.
KOK-u është pranuar me të drejta të kufizuara në mbledhjen e Komiteti Ekzekutiv të KON-it.
Lajmin për pranimin e KOK-ut në KON e konfirmoi edhe Ministri i Sportit, Memli Krasniqi, përmes një postimi në Facebook.
“Me kenaqesine me te madhe dhe me gezim e emocione te papershkrueshme, kam nderin te ju njoftoj se me Kryetarin e Komitetit Olimpik te Kosoves, z. Besim Hasani, sapo morem lajmin qe Komiteti Olimpik i Kosoves eshte pranuar si anetar i perkohshem ne Komitetin Olimpik Nderkombetar. Urime sportiteve tane. Urime mbare Kosoves”, shkroi Krasniqi.
Memli Krasniqi by GazetaExpressTV
