Bota

Tri sulme në Kanada, përfshirë Parlamentin, vazhdon kërkimi i terroristëve

Një apo më shumë persona të armatosur kanë shtënë me armë zjarri në Otava të Kanadasë, fillimisht në Memorialin e Luftës, duke vazhduar në Parlament dhe në një qendër tregtare.

kanada
E tëra ka filluar, të mërkurën, në Memorialin e Luftës, i cili gjendet afër Parlamentit, ku një i armatosur, ka shtënë me armë zjarri në një ushtar kanadez.

Ky person më pas ka hyrë në Parlamentin e Kanadasë, ku po qëndronte edhe Kryeministri Stephen Harper, por të cilin menjeherë e kanë evakuuar autoritetet e vendit, duke e dërguar në një vend të sigurt.

BBC, njofton se policia kanadeze po vazhdon të kërkojë sulmuesin, por ende nuk dihet nëse ka qenë një apo më shumë prej tyre.

BBC, duke cituar edhe mediat tjera ndërkombëtare, thuhet se një person është parë i shtrirë në Parlament, dhe se ai është njëri prej terroristëve.

Parlamenti i Kanadasë, vazhdon të jetë i rrethuar me policë, ashtu si shumë pjesë të tjera në Otavia, në këto momente ku ora lokale atje është rreth 13:00.

Policia e vendit po ashtu ka bërë apel tek të gjithë qytetarët që të largohen nga rrugët, dhe të qëndrojnë larg dritareve.

Ndërsa është njoftuar edhe për mbylljen e Univerzitetit në Otavia.

Ndryshe, ky sulm në Otava, vjen dy ditë pasi dy ushtarë kanadezë në Quebec janë shtypur nga një sulmues që ka lidhje me xhihadistët, ndërsa një tjetër ushtarë ka vdekur.

Pak kohë më parë, Qeveria e Kanadasë ka rritur nivelin e kërcënimit terrorist, nga i ulët në të mesëm, për shkak të rrezikut nga grupet radikale, të tilla si Shteti Islamik dhe Al Kaida.

Kanadaja, këtë muaj, i është bashkuar koalicionit të udhëhequr nga Shtetet e Bashkuara që kryen sulme ajrore kundër militantëve të Shtetit Islamik në Irak dhe Siri.

Related Articles

Leave a Reply

Your email address will not be published. Required fields are marked *

Back to top button