Ekonomia

Dyfishohen eksportet drejt Greqisë, importet me ritme më të ngadalta

Eksportet drejt Greqisë u dyfishuan gjatë periudhës janar-korrik të këtij viti, ndërsa importet shënuan ritme më të ngadalta rritjeje.

Sipas raportit të tregtisë së jashtme të publikuar nga Instituti i Statistikave (INSTAT), eksportet llogariten mbi 12 miliardë lekë, nga rreth 6.9 miliardë lekë që ishin në të njëjtën periudhë të një viti më parë.

Vlerën më të lartë të eksporteve e shënuan grupet “minerale, lëndë djegëse dhe energji elektrike”, ndjekur nga grupi “tekstile dhe këpucë”. Gjatë 7 muajve të parë të këtij viti u eksportuan mbi 4 miliardë lekë minerale dhe lëndë djegëse.

Ndërkohë, importet e mallrave nga Greqia në Shqipëri, gjatë periudhës janar-korrik arritën në rreth 32.6 miliardë lekë, kur një vit më parë (2020) u importuan rreth 30 miliardë lekë.

Në vlerën e mallrave të importuara nga shteti fqinj, vendin kryesor e zënë grupi i mallrave “ushqim, pije dhe duhan” në vlerën 9.4 miliardë lekë, i ndjekur nga grupi “materiale ndërtimi dhe metale” në vlerën 5.7 miliardë lekë dhe “produkte kimike dhe plastike” në vlerën 5.4 miliardë lekë.

Referuar të dhënave, shkëmbimet tregtare të Shqipërisë me Greqinë gjatë 7-mujorit zunë 7.1 % të totalit të gjithë tregtisë.

Related Articles

Leave a Reply

Your email address will not be published. Required fields are marked *

Back to top button