Home / Ekonomia / “U vodhën 10 milionë euro”/ PD bën analizën e tenderave të blerjes së energjisë

“U vodhën 10 milionë euro”/ PD bën analizën e tenderave të blerjes së energjisë

PD përmes sekretarit  të grupit parlamentar, Arbi Agalliu, ngulmoi edhe njëherë tjetër,  se Shqipëria nuk është në krizë energjitike por korrupsioni. Agalliu prezantoi këtë tabele ku krahason  çmimin e  energjisë elektrike në bursë dhe se sa  është blerë nga  qeveria shqiptare.
“Gjatë ditëve të fundit janë zhvilluar tre tendera. Në tenderin e parë janë shpenzuar 16.7 milion euro për të blerë energji elektrike, ndërkohë që në bursë mund të blihej fare mirë për 12 milion euro. Pra, 4 milion euro më tepër ka shpenzuar qeveria shqiptare. Tenderi i dytë, janë shpenzuar rreth 10 milion euro për të blerë energji elektrike, ndërkohë që në bursë mund të blihej për vetëm 7.4 milion euro. Pra, janë shpenzuar 2.5 milion euro më tepër. Tenderi numër tre, qeveria ka blerë energji elektrike me vlerë 12 milion euro, ndërkohë që në bursë mund të blihej me vlerën 9.4 milion euro. Pra, 3.4 milion euro më tepër. Në total janë shpenzuar mbi 10 milion euro nga buxheti i shtetit”, tha Agalliu.

Arbi Agalliu theksoi se  nuk është problemi rritja e çmimit të energjisë elektrike në burse por ato që ai I quajti në emër të opozitës aferat në këto tendera.

Leave a Reply

%d bloggers like this: