roze

Christian Bale do të jetë Steve Jobs

Christian Bale sarà Steve JobsChristian Bale do të jetë Steve Jobs në filmin që do të prodhohet nga “Sony”, bazuar në biografinë e Walter Isaacson të vitit 2011, e vetmja e aprovuar nga bashkëthemeluesi i “Apple”.

Lajmin e ka bërë të ditur “Bloomberg” që ka publikuar një intervistë me Aaron Sorkin, skenaristi që do të përshtasë librin e Isaacson për ekranin e madh.

“Kemi nevojë për aktorin më të mirë të mundshëm, të një moshe të caktuar dhe ky është Christian Bale”, ka sqaruar Sorkin.

Më herët Sorkin është kujdesur për skenarin e “The Social Network”, filmi që tregon historinë e Facebook-ut dhe që ka fituar tre çmime Oscar për skenarin më të mirë jo origjinal, kolonën zanore më të mirë dhe montazhin më të mirë.

“Nuk ka pasur asnjë audicion me Bale, por vetëm një takim me të”, ka shtuar Sorkin.

Christian Bale është i mirënjohur për interpretimin e personazhit Bruce Wayne, në trilogjinë “Batman” të Christopher Nolan. Në vitin 2011 ai fitoi një Oscar si aktori më i mirë joprotagonist në “The Fighter” dhe është kandiduar si aktori më i mirë në American Hustle.

Kohët e fundit për interpretimin e themeluesit të “Apple” kishin qarkulluar emrat e Leonardo Di Caprio, por që u eliminua, si dhe ata të Matt Damon dhe Ben Affleck.

Roli i Steve Jobs është interpretuar më herët nga Ashton Kutcher në filmin “Jobs”, që doli në kinema në 2013-n, me regji të Joshua Michael Stern.

Related Articles

Leave a Reply

Your email address will not be published. Required fields are marked *

Back to top button