Home / Kronika / Vila, makina luksoze, godina e truall/ Sekuestrohet pasuria e supergrabitësit Gentian Sharra, i arrestuar pas dëshmisë së Dumanit

Vila, makina luksoze, godina e truall/ Sekuestrohet pasuria e supergrabitësit Gentian Sharra, i arrestuar pas dëshmisë së Dumanit

Detaje të reja dalin në dritë nga operacioni i një ditë me parë në Elbasan.
Gazetarja Dorjana Bezat tha për Top Channel se me kërkesë të Prokurorisë janë sekuestruar disa pasuri të Gentian Sharrës, pas cilit lidhen një seri grabitjesh që nga viti 2011 e deri tek grabitja e milionave në Rinas. Gentian Sharra u arrestua pas dëshmisë së Nuredin Dumanit i cili u kthye në të penduarin e drejtësisë, duke rrëfyer një seri vrasjes.

Lidhur me operacionin Drejtori i Drejtorisë Vendore të Policisë Elbasan Ardian Çipa, së bashku me prokurorin e Rrethit Gjyqësor Elbasan Kreshnik Ajazi dhe prokurorin e çështjes Xhelian Seferi, dhanë detaje për finalizimin e operacionit policor të koduar “Illegal assets”. Pasuria e sekuestruar në pronësi të supergrabitësit Sharra e babait të tij, arrin në vlerën e 5 mln eurove.

Nga Seksioni për Hetimin e Krimit Ekonomik e Financiar në DVP Elbasan, në zbatim të vendimit të Gjykatës, u sekuestruan:

-1 vilë luksoze në lagjen Katund i Ri, Elbasan, biznes fason dhe tokë arë;

-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;

-Tokë arë me sipërfaqe 15680 m2  dhe ndërtesë me sipërfaqe 119.8 m2,  në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;

-Tokë arë me sipërfaqe 3533  m2, në lagjen Katund i Ri, Elbasan, në pronësi të Mustafa Sharra dhe Gentian Sharra;

-Pasuri tokë arë me sipërfaqe 4170 m2, në lagjen Katund i Ri, Elbasan, në pronësi të Gentian Sharra;

-Pasuri tokë arë  me sipërfaqe 4050 m2, në lagjen Katund i Ri, Elbasan, në pronësi të Mustafa Sharra.

-Pasuri tokë arë me sipërfaqe 3533 m2, truall me sipërfaqe 208.1 m2  dhe ndërtesë, në lagjen Katund i Ri, Elbasan, në pronësi të Gentian Sharra.

-Pasuri tokë arë me sipërfaqe 394 m2, në lagjen Katund i Ri, Elbasan, në pronësi të Mustafa Sharra dhe Gentian Sharra.

Gjithashtu janë sekuestruar 4 automjete në pronësi të shtetasit Gentian Sharra dhe të familjareve të tij.

Leave a Reply

%d bloggers like this: