Kronika

Rihapet gjykimi për ish-policin! I dënuar me 23 vite burgim për dy vrasje, u ekstradua nga SHBA

Pa kaluar shumë kohë nga vendimi i SHBA-së për të ekstraduar në Shqipëri një të shumë kërkuar për vrasje të dyfishtë, dënuar me vendim të formës së prerë me 23 vite burgim, gjykata e kryeqytetit ka vendosur ta rikthejë çështjen për rigjykim.
Rihapja e shqyrtimit gjyqësor provat ndaj ish-policit do të rishikohen nga fillimi për një krim që ka ndodhur gjatë 1997 dhe që prej atëherë për dekadat në vazhdim ai ja doli mbanë të qëndronte i fshehur.

Ish-polici Tomor Çela ju dorëzua Shqipërisë gjatë verës për të vuajtur dënimin për vrasjen me dashje të Elton Danit dhe Ledian Hoxhës.

Në 10 shkurt 2014 Çela firmosi një shkresë nga Pensilvaia, duke caktuar njerëzit që do t’i mbronin interesat.

Ai ia kaloi kompetencat vjehrrës argumenton gjykata.

Por, për gjyqësorin në Shqipëri shkresa e firmosur tek një noter amerikan nuk ishte e qartë sepse aty nuk përmendet mbrojtja me avokat. Ai është rigjykuar edhe një herë tjetër.

Në seancën e parë të rigjykimit ishin familjarët e viktimave dhe përballë tyre i akuzuari për vrasjen e të rinjve.

Tomor Çela ishte polic në kryeqytet dhe pesë muaj pasi e larguan nga detyra me një armë kallashnikov që oshte e shërbimit dhe që nuk kishte dorëzuar ai kreu krimin në debat e sipër.

Dëshmitarët kanë thënë në proces se grindja kishte nisur tre ditë para krimit për dy mijë lekë të reja, që duhet të paguheshin për një derë automjeti të dëmtuar.

Related Articles

Leave a Reply

Your email address will not be published. Required fields are marked *

Back to top button