Kronika

Harta e re territoriale, depozitohen në KQZ kërkesat për referendum

DJE-GJATE-MBLEDHJES-SE-KOMISIONIT-PER-REFORMEN-TERRITORIALE-MAJTAS-HARTA-E-RE-TERRITORIALEGrupet nismëtare nga disa komuna e bashki të vendit kanë depozituar në Komisionin Qendror të Zgjedhjeve kërkesën për mbajtjen e referendumeve lokale, mes të cilave kundërshtohet harta e re territoriale.

Sipas Kodit Zgjedhor duhet që grupet nismëtare të mos kenë më pak se 12 firma të banorëve të asaj zone.

Ndërkohë Partia Demokratike, pak kohë më parë ka depozituar në Gjykatë Kushtetuese kërkesën për ta shpallur hartën antikushtetuese. Sipas PD, “kjo harte i ben gjemen procesit zgjedhor, qe ka njohur arritjet, kjo maxhorance do te konsolidoje oligarkine Rama-Meta, qe po synon te krijoje oligarket lokale, per kete arsye me ate nuk mund te kete zgjedhje”.

“Hartimi i këtij ligji është bërë nëpërmjet një procesi jo gjithpërfshirës dhe konsensual, jo vetëm midis forcave politike në Kuvend, por as me qytetarët shqiptare”, thuhet në kërkesën e PD-së.

Sipas demokratëve Komisioni i Posacëm mori në konsideratë studimet e njëanshme dhe jo transparente, si dhe versionet e ndarjes së re administrative të propozuara nga Qeveria, duke shmangur në këtë mënyrë përmbushjen e detyrave të veta.

”Ligji nr. 115/2014 është miratuar me procedurë extra të përshpejtuar parlamentare, në kundërshtim me ndalimin e parashikuar në nenin 83 të Kushtetutës. Konkretisht, projektligjit është depozituar në Kuvend më datë 23.07.2014 dhe është shqyrtuar e miratuar në seancën plenare të datës 31 Korrik 2014 (pra brenda një jave nga momenti i depozitimit).

 

Related Articles

Leave a Reply

Your email address will not be published. Required fields are marked *

Back to top button