Obama: Nuk ka asnjë implikim të SHBA-së në manifestimet në Hong Kong
SHBA-ja nuk ka luajtur asnjë rol në lëvizjen prodemokraci që po trondit prej më shumë se gjashtë javë Hong Kongun, ku manifestuesit kërkojnë organizimin e një votimi të vëretë të përgjithshëm, garantoi sot në Pekin Barack Obama.
“E kam shpjeguar qartësisht se SHBA-ja nuk ka asnjë implikim në organizimin e këtij manifestimi që zhvillohet në Hong Kong”, garantoi presidenti amerikan, në një konferencë për shtyp të përbashkët me homologun e tij kinez Xi Jinping.
Përgjegjësit kinezë, si dhe media zyrtare, akuzuan, por pa përmendur emër, forcat e huaja ose Perëndimorët se mbështesin lëvizjen prodemokraci në Hong Kong, që ka bllokuar zonat më të mëdha tregëtare të ish-kolonisë britanike.
I takon Kinës dhe Hong Kong-ut që të rregullojnë çështjet e ngritura nga kjo lëvizje, garantoi Barack Obama.
“Por kam paraqitur qartësisht gjithashtu se SHBA-ja inkurajon të drejtën e popujve që të shprehen, dhe se zgjedhjet në Hong Kong i përgjigjen dëshirës së popullsisë lokale”, vazhdoi presidenti amerikan.
Presidenti kinez nga ana e tij theksoi se lëvizja prodemokraci është e jashtligjshme dhe se i jep mbështetjen e tij të plotë ekzekutivit të Hong Kong-ut në përpjekjet e tij për të rivendosur rendin.
