Bota

Cameron dhe Abbott dënojnë qëndrimin e Rusisë për krizën ukrainase

cameron-abot-300x200Britania e Madhe dhe Australia kritikuan ashpër qëndrimin e Rusisë në krizën Ukrainase, para samitit të G20-s nën shenjat e Luftës së Ftohtë, me anije ruse në brigjet e Australisë dhe një ultimatum nga Moska për Francën për livrimin e anijeve Mistral.

Kryeministri britanik, David Cameron theksoi gjithashtu në një fjalim para parlamentit australian në Canberra që Rusia do të përballej me sanksione perëndimore nëse nuk angazhohet për zgjidhjen e konfliktit ukrainas.

Cameron, ashtu si homologu australian, Tony Abbott, të pranishëm në samitin e G20-s, kanë përdorur tone shumë të ashpra kundër Putin, pritur në Australi.

”Rusia po sillet si shteti i madh që sulmon shtetet më të vogla në Evropë”, theksoi kryeministri britanik .

Abbott dënoi rritjen e aktiviteteve ushtarake të drejtuara nga Rusia duke cituar veçanërisht shfaqjen e disa anijeve të marinës ruse gjatë kësaj jave në veri të brigjeve australiane.

“Kur bëhet fjalë për të sulmuar Ukrainën, bëhet fjalë për intensifikimin e fluturimeve të avionëve ushtarakë në hapësirën ajrore të Japonisë, vendeve evropiane, bëhet fjalë për forcën detare që ndodhet tashmë në Paqësorin e Jugut, Rusia tashmë është më e sigurt se kurrë”, theksoi Abbott.

“Rusia do të jetë më shumë tërheqëse nëse do të aspironte të ishte një superfuqi për paqen, lirinë dhe prosperitetin, në vend që të krijonte lavdinë e humbur të Bashkimit Sovjetik”, shtoi ai.

Related Articles

Leave a Reply

Your email address will not be published. Required fields are marked *

Back to top button