Moska akuzon vëzhguesit e OSBE-së për mbështetje të Kievit
Rusia akuzoi sot vëzhguesit e OSBE-së, të vendosur në Ukrainë, për mbështetje ”de facto” të autoriteteve të Kievit në konfliktin mes forcave ukrainase dhe separatistëve prorusë.
Moska është e shqetësuar për mënyrën e punës këto kohët e fundit të misionit special të mbikëqyrjes të OSBE-së në Ukrainë.
”Është e dukshme që të gjitha përpjekjet parashikojnë ndihmë dhe mbështetje vetëm për njërën palë të konfliktit, autoritetet zyrtare të Kievit”, theksoi Ministria ruse e Punëve të Jashtme në një komunikatë.
”Vëzhguesit e OSBE-së në Ukrainë japin veçanërisht në raportet e tyre informacione të detajuara mbi vendosjen e forcave rebele në rajonet e Donetskut dhe Luganskut në lindje të vendit, por anashkalojnë informacionet që kanë të bëjnë me përgatitjet ushtarake dhe përqendrimin e forcave ukrainase”, vijon komunikata.
