G20 – Diskutime Putin-Cameron për përmirësimin e marrëdhënieve mes Moskës dhe Perëndimit

Presidenti rus, Vladimir Putin dhe kryeministri britanik, David Cameron biseduan sot në Brisbane për mënyrën e përmirësimit të marrëdhënieve mes Rusisë dhe Perëndimit, riftohur nga kriza ukrainase, deklaroi një zëdhënës i Kremlinit.

“Putin dhe Cameron shprehën interes për vendosjen e lidhjeve mes Rusisë dhe Perëndimit dhe miratimin e masave efikase për zgjidhjen e krizës ukrainase, gjë që do të lehtësonte mënjanimin e ndjenjave konfliktuale”, deklaroi zëdhënësi i Putinit, Dmitri Peskov, për agjencitë ruse të lajmeve në kuadër të samitit të G20-s.