Shpërthen BMW-ja, policia dyshon për tritol

Një automjet është hedhur në erë mëngjesin e sotëm. Ngjarja ka ndodhur rreth orës 05:00, në zonën e njohur ish-Parku i Autobusëve,Tiranë. Shpërthimi i fuqishëm ka shkaktuar panik tek banorët e zonës, të cilët telefonuan sallën operative të policisë.

Nga të dhënat paraprake dyshohet se makinës tip BMW X5,  me targa AA 737 KJ, i është vendosur një sasi tritoli, duke shkaktuar dëme materiale. Emri i pronarit të makinës nuk bëhet me dije, por policia thotë se ka nisur punën për zbardhjen e ngjarjes.

Drejtuesi i mjetit pritet të merret në

pyetje, në mënyrë që policia të ngrejë pistat e saj të hetimit. Personat që kanë vendosur tritolin, kanë dashur që të paralajmërojnë pronarin e BMW.