Ekonomia

Rama: Marrëveshja me FMN-në ishte zgjidhja e duhur

Kryeministri-Edi-Rama-gjate-seances-plenare-ne-Kuvend-Foto-Agim-Dobi-36-525x350Kryeministri Edi Rama duke folur sot për projekt buxhetin 2015, u shpreh se një ndër objektivat është mbështetja e rritjes ekonomike pa masa shtrënguese.

“Jam krenar për këtë element thelbësor të qasjes tonë qysh vitin e shkuar”, tha Rama.
Duke folur për marrëveshjen me Fondin Monetar Ndërkombëtar, Kryeministri Rama u shpreh se, “hymë në një program me FMN, gjë që koha po e provon që ishte zgjedhja e duhur, por duke u imponuar me argument për një paketë fleksibël rritjeje”.

Kjo paketë, theksoi Rama, “na jep mundësi të orientohemi drejt rezultatesh të mirëpërcaktuara”.

Kryeministri Rama u shpreh se, “buxheti ka të bëjë me njerëzit dhe ne nuk e kemi harruar. Kemi mbështetur rritjen ekonomike pa masa shtrënguese. Jam krenar që buxheti 2015 nuk shoqërohet me masa shtrënguese “.

Sipas kreut të qeverisë, “buxheti është një mjet në funksion të njerëzve që duan të punojnë”. “Buxheti është me standarde të mirëpërcaktuara dhe me zgjidhje realiste”, tha Rama duke shtuar se, “Buxheti vjen si rezultat i diskutimeve me FMN e BB”.

“Buxheti 2015 është instrument rritjeje, zhvillimi dhe punësimi”, tha Rama dhe “ka si objektiv minimal rritje ekonomike mbi 4% në fund të mandatit”. Kryeministri Rama u shpreh se, “Buxheti 2015, ul ose zeron 15 taksa dhe rrit vetëm tre taksa”.

Ndërkohë Kryeministri nuk haroi pa përmendur edhe mungesën e opozitës duke thënë se, “mungesa e sotme e opozitës në parlament është e ndjeshme”.

Related Articles

Leave a Reply

Your email address will not be published. Required fields are marked *

Back to top button