Rajoni

Athinë, një i armatosur plagos 11 persona në lokal, mister motivet

“Sonte do të derdhet gjak, do të vdesin të gjithë !”,- është thirrja që një i armatosur me kallashnikov, ka bërë përpara se të qëllonte mbi klientët e lokalit, duke plagosur 11 persona. Ngjarja e rëndë është regjistruar në orët e para të mëngjesit të sotëm, në brendësi të një lokali në Athinë.

AthineMediat fqinje shkruajnë se një person ende i paidentifikuar ka qëlluar me breshëri në drejtim të klientëve, duke plagosur 11 persona, 3 prej të cilëve në gjendje të rëndë. Referuar dëshmitarëve okularë, policia helene thotë autori i krimit në momentet e sulmit ka qenë shumë i tensionuar, për arsye që nuk bëhen të ditura.

Të gjithë të plagosurit janë dërguar me urgjenca të shumta në spital dhe mjekët po bëjnë të pamundurën që të shpëtojnë jetët e tyre. Policia greke është vënë në kërkim të autorit të krimit të shumëfishtë, duke bllokuar të gjitha rrugët e Athinës, me shpresën se do të bëjë të mundur arrestimin e tij.

Ndërkaq lokali ku ndodhi masakra u bllokua nga ekspertët e kriminalistikës, për të mbledhur prova materiale, që do të çonin në zbardhjen e dokumentimin e ngjarjes.

Related Articles

Leave a Reply

Your email address will not be published. Required fields are marked *

Back to top button