Vendimi për detyrim paraqitje, Fullani në Prokurori: Do t’ju përgjigjem të gjitha pyetjeve

Ish-Guvernatori i Bankës së Shqipërisë, Ardian Fullani është paraqitur paraditen e sotme në Prokurorinë e Tiranës.

Paraqitja e Fullanit vjen në zbatim të vendimit të Gjykatës, që e detyron atë të paraqitet të hënën e parë të çdo muaji, gjatë kohës që vijon procesi hetimor për vjedhjen e thesarit të Bankës së Shqipërisë, për të cilën ai u vu edhe në akuzë për shpërdorim detyre, u arrestua e më pas u la i lirë, vetëm me detyrim paraqitje.

Fullani ka deklaruar për mediat se do t’i përgjigjet prokurorisë për të gjitha akuzat. Prokurori i çështjes është Ramadan Troci.