Politika

Rama: Rreth 200 mijë familje do rimbursohen për energjinë e harxhuar

“Çmimi i ri i energjisë elektrike do të jetë i mesatarizuar. Ata që nuk e duan Shqipërinë, gënjejnë për shifrat e çmimit që thonë”,- ishte deklarata që kryeministri Rama ka bërë nga qyteti i Fierit, gjatë një takimi me qytetarët.

big_rama_fier_legalizime1Pas kësaj, Rama rifoli për vjedhjen e energjisë elektrike, duke e cilësuar si plagë të thellë dhe të pa mbyllur. Sipas tij, kjo situatë nuk mund të vazhdohet më tutje sepse nga vjedhja e energjisë ekonomia e vendit humb aq sa merret nga tatim-fitimi i kompanive. Për Kryeministrin, heqja e fashës ishte e drejtë sepse shumë tregtarë dhe biznesmenë ishin fshehur pas saj.

“Energjia vjedhja, plagë e thellë. Nëse nuk e mbyllim këtë situatë nuk vazhdojmë dot më tutje. Humbim nga vjedhja sa fitojmë nga tatim fitimi i kompanive. Dy kategoritë që paguajnë në mënyrë më korrekte janë pensionistët apo personat me aftësi të kufizuar. Energjia mall, as falet as mund të vidhet. Pas fashës mbrojtëse u fshehën hajdutët.

Rreth  200 mijë familje do të rimbursohen për energjinë e harxhuar, ndërsa bëj me dije se ata që bashkëpunojnë me hajdutët nuk do falen. Deri më tani janë arrestuar tre drejtorë të  OSHEE-së, për abuzime në detyrë”- u shpreh Rama. Përveç çmimit të energjisë, Kryeministri foli edhe për situatën ekonomike, duke e vlerësuar pozitivisht.

“ Ulja e taksave ka sjellë rritje të konsumit dhe rritje të fuqisë blerëse. Taksën e duhani do e rrisim, për të dekurajuar pirjen, ndërsa rritja e taksës së depozitave nuk prek masën, por stimulon investimet në vend”,-tha Rama.

Related Articles

Leave a Reply

Your email address will not be published. Required fields are marked *

Back to top button