Kronika

Shqipëri: Bllokohen refugjatë sirianë

Policia  Kufitare shqiptare bllokoi në Jug të Shqipërisë  grupe të reja  refugjatësh nga Siria. Sipas burimeve zyrtare policore refugjatët  kishin hyrë nga Greqia dhe synonin të udhëtonin drejt Malit të Zi.

refugjate

Burimet zyrtare thanë se gjatë patrullimit  në kufirin jeshil greko – shqiptar , në bashkëpunim me Forcat  policore  “Delta” ,  janë bllokuar rreth  60 shtetas sirianë  mes të cilëve  gra dhe fëmijë. Sektori i Migracionit në Drejtorinë Rajonale në  Gjirokastër po punon për rikthimin  vullnetar  të  tyre në shtetin grek, njoftuan autoritetet.

Sipas njoftimeve nga Athina Greqia është në presion të grupeve të refugjatëve sirianë që hyjnë  në territorin e saj për tu dhënë leje afatgjata qëndrimi.Refugjatët kanë organizuar protesta në  kryeqytetin grek për tu bërë thirrje autoriteteve për  një trajtim më të mirë dhe sigurimin e ushqimeve. Grupe emigrantësh shqiptarë në Greqi kanë ndihmuar  familjet e refugjatëve duke zhvilluar fushata për mbledhjen e veshjeve dhe ushqimeve.

Related Articles

Leave a Reply

Your email address will not be published. Required fields are marked *

Back to top button