Kronika

Pas mësuesve, testim edhe për Prokurorët

-Ndryshohet rregullorja për emërimin e Prokurorëve të rinjë-

PROKURORIA-PERGJITHSHME-GODINA1-525x3505Pas mësuesve, edhe Prokurorët do të zgjidhen përmes testimit.

Burime nga Prokuroria e Përgjithshme, bëjnë të ditur se me urdhër të Kryeprokurorit, Adriatik Llalla është vendosur, që nga muaji janar i vitit 2015 për të fituar titullin e prokurorit duhet të kalosh dy faza testimesh dhe jo më në bazë të dosjes personale të kandidatëve, që vlerësohej në bazë të vjetërsisë dhe rekomandimeve.

Sipas burimeve nga janari të gjithë personat që duan të fitojnë titullin prokuror, do të duhet të kalojnë dy testime, një me shkrim dhe një me gojë. Përmes këtyre testimeve, kandidatët do të kenë mundësi të shpalosin njohuritë e tyre të shkollimit dhe eksperiencës së punës si oficer i policisë gjyqësore dhe më pas në bazë të pikëve të grumbulluara do të përpilohet renditja e kandidatëve dhe sipas renditjes do të përcaktohen edhe fituesit, pra prokurorët e rinjë.

Sipas burimeve, kjo mënyrë e re shmang dhe diskutimet apo dyshimet e përzgjedhjes së prokurorëve, pasi në këtë mënyrë gjithçka do të jetë transparente.

Related Articles

Leave a Reply

Your email address will not be published. Required fields are marked *

Back to top button