Pas aksionit të INUK fillojnë të gjelbërohen hapësirat publike

Zona përpara lokaleve që ndodhen anash Drejtorisë së Policisë së Tiranës po gjelbërohet, pas aksionit të Inspektoriatit Ndërtimor Urbanistik Kombëtar, i cili prishi shtesat pa leje të këtyre lokaleve, që pengonin trotuarin.

Pas pushtimit të hapësirave publike nga betoni, ato po i rikthehen sërish shumicës, pas viteve të tëra mungese, thekson INUK, që nuk harron të falënderojë qytetarët për bashkëpunimin, mirëkuptimin dhe mbështetjen e tyre.

Gjithashtu edhe në zonën pranë gjimnazit “Petro Nini Luarasi, qytetarët kanë filluar të sistemojnë zonën përpara lokaleve të tyre.

Sipas inspektoriatit, “në fakt kjo është arritja më e madhe e INUK”. “Qytetarët që ndërgjegjësohen se ka ardhur koha e zbatimit të ligjit. I falënderojmë dhe nxisim bashkëpunimin e mirëkuptimin. Tirana është e të gjithëve!”