Qeveria kërkon themelimin edhe të një Komisioni Parlamentar

Kabineti qeveritar i ka rekomanduar Kuvendit të Kosovës që të themelojë Komisionin Parlamentar për Diasporën dhe Mërgatën. Kështu ka votuar kabineti në mbledhjen e fundit të Qeverisë së Kosovës për këtë vit.

Ministri i Diasporës, Valon Murati, thotë se kjo duhet të bëhet me qëllim të promovimit dhe avancimit të të drejtave politike dhe sociale të diasporës, që është prioritet i Strategjisë së Diasporës dhe Mërgatës, miratuar nga Qeveria e Kosovës.

“Një nga objektivat e kësaj strategjie është edhe përfaqësimi politik dhe pjesëmarrja aktive në vendimmarrje e diasporës dhe mërgatës kosovare”, thotë ai.