Në 2014 u përjashtuan nga TVSH-ja makineri dhe pajisje me vlerë 2.2 miliardë lekë

Në vitin 2014 u përjashtuan nga Tatimi mbi Vlerën e Shtuar makineri dhe pajisje me vlerë 2.2 miliardë lekë.

Kjo shifër, e cila u publikua nga Drejtorja e Përgjithshme e Doganave, Elisa Spiropali, gjatë një takimi me biznesin, rezulton të jetë rreth 1.2 miliardë lekë më e lartë, krahasuar me 2013-ën.

“Për vitin 2013, vlera e përjashtimit nga TVSH-ja e makinerive dhe pajisjeve është rreth 968.8 milionë lekë. Ndërsa për 2014 është 2.2 miliardë lekë”, u shpreh Spiropali.