Obama: Abdullah besonte në rëndësinë e partnershipit amerikano-saudit

Presidenti amerikan, Barack Obama shprehu sot keqardhjen dhe i dërgoi ngushëllimet e rastit familjes së mbretit të Arabisë Saudite, Abdullah bin Abdulaziz, i cili vdiq në moshën 91-vjeçare, si edhe popullit saudit.

“Afrimi dhe forcimi i marrëdhënieve mes vendeve tona ishte pjesë e trashëgimisë së mbretit Abdullah”, deklaroi presidenti amerikan, Obama.

”Mbreti Abdullah besonte në rëndësinë e partnershipit amerikano-saudit si një forcë stabiliteti dhe sigurie në Lindjen e Mesme dhe përtej saj”, theksoi ai.

”Vizioni i mbretit Abdullah për vendin e tij ishin arsimimi i njerëzve dhe pjesëmarrja e vendit në problemet e globit”, shtoi presidenti Obama.