Qeveritare

Haxhinasto në Kosovë, pritet nga kryeministri Mustafa

Kryeministri i Republikës së Kosovës, Isa Mustafa, priti të hënën në një takim ministrin e Transportit dhe Infrastrukturës të Republikës së Shqipërisë, Edmond Haxhinasto.haxhinasto

Gjatë takimit, kryeministri Mustafa ka shprehur vullnetin e qeverisë së Kosovës për fuqizimin e mëtejshëm të bashkëpunimit me Shqipërinë.

Mustafa theksoi se Kosova dhe Shqipëria duhet të bashkëpunojnë në shërbim të rritjes të shkëmbimeve dhe marrëdhënieve ekonomike si dhe në shumë fusha të tjera të jetës.

Kryeministri i Kosovës veçoi mundësitë e forcimit të bashkëpunimit në fushën e arsimit, në fushën e energjisë si dhe në fusha të tjera të marrëdhënieve ndërmjet dy shteteve.Kryeministri i Kosovës, Isa Mustafa priti në takim ministrin e Transportit dhe Infrastrukturës të Shqipërisë, Edmond Haxhinasto

Ministri i Transportit dhe Infrastrukturës i Shqipërisë, Edmond Haxhinasto, duke uruar kryeministrin Mustafa për detyrën e re, shprehu vullnetin e qeverisë së Shqipërisë për fuqizimin e mëtejshëm të marrëdhënieve ndërmjet dy vendeve.

Haxhinasto foli për mundësitë e rritjes së shkëmbimeve ekonomike, duke veçuar shfrytëzimin edhe më të madh të rrugës së kombit dhe të porteve shqiptare. Temë tjetër e bisedës ishte thjeshtëzimi i mëtejshëm i procedurave doganore, në shërbim të rritjes së qarkullimit të njerëzve dhe mallrave ndërmjet dy shteteve.

Related Articles

Leave a Reply

Your email address will not be published. Required fields are marked *

Back to top button