Kanada, erërat arrijnë shpejtësinë prej 150 kilometra në orë
Kanadaja është përfshirë nga një stuhi e fortë dëbore dhe erë që arriti shpejtësinë mbi 100 kilometra në orë, duke vështirësuar jetën e mijëra banorëve.
Byroja Meteorologjike e Kanadasë ka njoftuar se shpejtësia e stuhisë së dëborës në disa rajone të Newfoundland ka kaluar shpejtësinë prej 150 kilometra në orë. Nga ky institucion u kanë bërë thirrje qytetarëve të jenë të kujdesshëm dhe pa nevojë emergjente të mos nisen në rrugë.
Rajonet e Torontos, Missisauge, Hamilton dhe Ujëvarat e Niagarës janë përshirë nga moti i keq, ndërsa qarkullimin rrugor e bënë edhe më të vështirë akulli në rrugët e vendit. Stuhia ka shkaktuar vështirësi në qarkullim dhe anulimin e linjave të shumta të trafikut rrugor dhe atij ajror.
Të gjitha ekipet e policisë, mbrojtjes civile dhe shërbimeve tjera janë të angazhuar në terren, ndërsa disa shkolla dhe institucione publike nuk do të punojnë deri në njoftimin e ri, raporton AA.
Qarkullimi në rrugët e mbuluara me dëborë dhe akull është vështirësuar edhe më shumë, ndërsa shkaku tjetër i aksidenteve të shpeshta është edhe ndalesë ligjore e përdorimit të zinxhirëve. Meteorologët paralajmërojnë se moti i tillë mund të mbizotërojë dhe në dy ditët e ardhshme.
