E prekur nga tumori, 20 vjeçarja duket si 7 vjeçe
Zeng Yushan është një vajzë e veçantë kineze e moshës 20 vjeçare nga Sichuan. Veçantia e saj qëndron në faktin se për shkak se është prekur nga një formë e rrallë tumori në hipofizë, ajo ka ndaluar së rrituri qysh në moshën 7 vjeçare.
Siç raporton “Mirror”, kur u diagnostikua nga tumori në vitin 2001, prindërit në kushte të rënda ekonomike dhe në pamundësi për ta kuruar, u divorcuan.
Vogëlushja asokohe 7 vjeç, ju besua të atit Yul Wei, 43 vjeç. Por edhe burri u sëmurë rëndë dhe për të mbijetuar e detyroi vajzën të dilte të lypte, pasi pavarësisht kalimit të viteve vijonte të dukej si fëmijë.
Në vitin 2013 babai i saj vdiq prej kancerit dhe tashmë Zeng e bërë 19 vjeç pavarësisht pamjes së fëmijës, vijonte të lypte në rrugë.
Një ditë ajo takoi 50 vjeçarin Guo Liu dhe gruan e tij, të cilët vendosën ta shpëtonin dhe e morën në shtëpinë e tyre.
Tashmë ajo është 20 vjeç, por pamja e saj vijon të jetë e një fëmije, ashtu si dhe kapaciteti mendor i saj.
“E duam pafundësisht. Do e kurojmë dhe do e dërgojmë në shkollë, pavarësisht se shumë institute nuk duan ta pranojnë për shkak të moshës së saj reale”, shprehen prindërit e saj të rinj.
