Home / Parlamentare / Patozi: Përmbytja nuk ka nevojë për zogj e dele, as për furgonat me oriz të PD

Patozi: Përmbytja nuk ka nevojë për zogj e dele, as për furgonat me oriz të PD

Ish-Nënkryetari i PD-së, Astrit Patozi, ka kritikuar sot Partinë Demokratikeë për furgonët me ndihma që po dërgon në zonat e përmbytura, duke e konsideruar këtë akt, një propagandë njësoj si ajo që po bën dhe Kryeministri me Kryetarin e Kuvendit dhe jo ndihmë reale për ata banorë.

patozi“Ne nuk kemi nevojë, – tha Patozi sot në Kuvend, – për një kryeministër që të shpërndajë dele dhe një kryetar kuvendi, që të shpërndajë zogj pule, sepse nuk di që në Qeveri të ketë ndonjë stallë dhe në Kuvend, ndonjë pulari, por as dhe për furgonat me oriz që nisen nga selia e opozitës, se nuk di të ketë atje ndonjë magazinë orizi.

A nuk e patë Kryeministrin kur në gjoks kishte vendosur një qingj të njomë duke u mburrur se kishte ndarë 200 dele nga tufa e tij? Nga ana tjetër, kryetari i Kuvendit, për të mos e imituar plotësisht, dërgoi në Ferras 5 mijë zogj pule! Por njerëzit kanë nevojë të dinë se përmbytjet nuk do të kthehen në fatkeqësi sa herë bie shi.

Duhet një strategji për ata banorë, parashikuar qoftë edhe shpërnguljen e tyre e madje, paratë nuk është vështirë të gjenden. Mjaton që Qeveria të anullojë tenderin skandaloz të “check up” në shëndetësi, që iu dha një kompanie dhe ja tek u gjendën disa milionë,” – theksoi Patozi.

Leave a Reply

%d bloggers like this: