SHBA, listë për liderët e ISIS që duhen vrarë, kryeson al-Baghadi

Shtetet e Bashkuara kanë hartuar një listë me emrat e më shumë se dyzet drejtuesve të lartë të ISIS-it në Siri, që synohen të vriten nëpërmjet sulmeve ajrore. Kështu deklaroi një zyrtar i lartë amerikan.

Lista në thelb përmban emrat e disa vrasësve dhe në krye të saj është lideri i ISIS, Abu Bakr al-Baghdadi. Zyrtari i lartë tha se Baghadi është i vetëdijshëm se SHBA-ja është në ndjekje të tij dhe për këtë arsye nuk shfaqet shumë dhe lëviz me kujdes e megjithatë, ndikimi i tij është shtrirë edhe përtej Sirisë dhe Irakut. Janë bërë muaj qëkurse shërbimet sekrete kanë njoftuar për vendndodhjen sekrete të Baghdadit.