Kronika

Llalla në Shkodër: Sfida e prokurorisë, krimet kundër jetës, ekonomisë dhe korrupsioni

Prokuroria e qarkut të Shkodrës do të ketë tashmë ambiente të rikonstruktuara dhe të përshtatshme për të zhvilluar hetimet.

Analiza-e-Prokurorise-se-Pergjithsme.-Fot-Arbi-FortuziProkurori i Përgjithshëm, Adriatik Llalla, ishte sot në Shkodër për të përururar ambientet e reja të kësaj Prokurorie, si dhe për analizën vjetore të Prokurorisë së Shkodrës

“Me financimin e buxhetit të shtetit janë krijuar kushte komode në këtë Prokurori. Pritja e qytetarëve do të jetë sipas standardeve të BE. Ambientet tashmë janë të përshtatshme për hetimin”, tha Llalla.

Analiza
Përurohet godina e re e prokurorisë së Shkodrës.

Sipas Kryeprokurorit, krimet kundër jetës, krimi ekonomik dhe korrupsioni, do të jenë sfidat primare të kësaj Prokurorie. “Pozicioni gjeografik i këtij qarku është burim i konflikteve ekonomike, duke sjellë përplasje mes klaneve të ndryshëm”, tha Llalla.

Kryetari i Gjykatës së Lartë, Xhezair Zaganjori, u shpreh se, duhet rritje e performancës. “Godina moderne ndihmon në efikastetin e hetuesisë. Taksapaguesit kanë paguar për këtë. Shpërblimi më i mire për këtë investim do të ishte rritja e performancës. Më shumë operativitet, rritje e shpejtësisë së hetimit thelbësor”, tha Zaganjori.

Analiza (1)

Sipas tij, Këshilli i Prokurorëve duhet të marrë një rëndësi më të madhe. “Lufta ndaj korrupsionit duhet të zhvillohet edhe brenda në Prokurori. Të evidentohen dosjet ku ka dyshime për abuzim dhe të rianalizohen”, tha Zaganjori.

Ndërsa ambasadori i Britanisë së Madhe, Nicolas Cannon, u shpreh se, “drejtësia po përballet me sfida të mëdha. Ju jeni të parët që përballeni me forma të ndryshme abuzimi. Korrupsioni eshte plagë që vështirëson punën tuaj”.

Related Articles

Leave a Reply

Your email address will not be published. Required fields are marked *

Back to top button