Dhunoi kryekomunarin e Novoselës, në pranga 40-vjeçari

Policia e Vlorës ka vënë në pranga një person i cili akuzohet për ‘goditje për shkak të detyrës’. Shtetasi Maksi Dosi, 40 vjeç, akuzohet se ka goditur me mjete të forta kryekomunarin e Novoselës, Kanan Shakaj.

Ky i fundit është dërguar në spitalin rajonal për të marrë trajtimin e nevojshme mjekësor pas dhunës së ushtruar ndaj tij.

Policia ka nisur hetimet për të zbardhur rrethanat dhe shkaqet e konfliktit të dhunshëm mes 40-vjeçarit dhe kryekomunarit Shakaj.