Apeli lë në ‘detyrim paraqitje’ Gjikën, e njëjta masë për shefen e urbanistikës në bashki

Gjykata e Apelit në Vlorë ka lënë në fuqi masën e sigurisë ‘detyrim paraqitje’ për kreun e bashkisë së Vlorës, Shpëtim Gjika, ndërkohë që Prokuroria kishte kërkuar rikthimin në burg të kryebashkiakut.

Gjykata vendosi të ndryshojë masën e sigurisë edhe për Doriana Sulajn, shefe e urbanistikës në bashki dhe Artur Harxhin, biznesmen në qytetin e Vlorës, nga ‘arrest me burg’, në ‘detyrim paraqitjeje’.

Shpëtim Gjika ka qenë i pranishëm në seancën e sotme, ku ka kërkuar që gjykata të lërë në fuqi masën e sigurisë detyrim paraqitje për të, ndërsa u shpreh i bindur në pafajësinë  tij dhe i gatshëm për të vërtetuar këtë para gjykatës.