Ekonomia

Shqipëri-Kosovë, memorandum bashkëpunimi në sektorin minerar

miniereShqipëria dhe Kosova do të rritin bashkëpunimin dhe do të shkëmbejnë eksperiencat e tyre në sektorin minerar.  Ky ka qenë përfundimi i vizitës së drejtorit ekzekutiv të AKBN-së në Kosovë.

Memorandumi i  bashkëpunimit për përmirësimin e marrëdhënieve reciproke dhe shkëmbimin e eksperiencave  dypalëshe në sektorin minerar, u nënshkrua sot mes Shqipërisë dhe Kosovës.

Delegacioni i AKBN-së i kryesuar nga Drejtori Ekzekutiv, Dael Dervishi zhvilloi një vizitë zyrtare në Kosovë, ku dhe  takoi Drejtorin Ekzekutiv të KPMM (Komisioni i Pavarur për Miniera dhe Minerale), Midin Bojaxhiu.

Në takim u diskutuan disa çështje të interesit të përbashkët ndër të cilat të drejtat ndërkufitare në sektorin minera,r dhe u ra dakord për nënshkrimin e një memorandumi bashkëpunimi midis dy institucioneve shtetërore, më qëllim përmirësimin e marrëdhënieve reciproke dhe shkëmbimin e eksperiencave dypalëshe.

Gjithashtu, Dervishi zhvilloi një takim me Drejtorin e Përgjithshëm të Doganave të Republikës së Kosovës, Lulzim Rafuna. Në takim u diskutua rreth disa nismave të reja për lehtësimin e procedurave doganore për subjektet minerare të cilat kryejnë shkëmbime tregtare midis dy vendeve. Dervishi dhe Rafuna zhvilluan një vizitë të përbashkët edhe pranë pikës kufitare të Qafës së Morinit (Tropojë).

Related Articles

Back to top button