Ekonomia

Komandanti i NATO-s, në Ballkan për “gjuetinë” e naftës shqiptare

Operations Inside Croatia's INA Industrija Nafte d.d. Oil Refinery And Gas StationsPesëmbëdhjetë vjet pas drejtimit të fushatës së bombardimeve të NATO-s kundër Serbisë, Wesley Clark, gjenerali amerikan i dalë në pension është kthyer në Ballkan  në kërkim të naftës.

Clark, i cili ishte gjithashtu një kandidat për president në vitin 2004, është drejtor dy kompanive kanadeze hulumtuese për naftën, që punojnë në Shqipëri, Bankers Petroleum Ltd (BNK) dhe Petromanas Energy Inc (PMI). Këto kompani janë duke përdorur teknika moderne të shpimit për të ringjallur prodhimin e naftës në një nga vendet më të varfra të Evropës, ku nafta është prodhuar për herë të parë në vitet 1920.

“Shqipëria ka një rëndësi të madhe ekonomike për Evropën pasi ka burime të fuqishme të naftës, dhe ky duhet të jetë një komponent i fuqishëm i politikës energjetike evropiane”, tha Clark.

Eksplorimi i naftës është pjesë e strategjisë së Shqipërisë për të riparuar dëmin e katër dekadave të izolimit ekonomik, nën regjimin komunist të Enver Hoxhës, që ka ndërtuar më shumë se 700.000 bunkerë konkretë ushtarakë para se të vdiste në vitin 1985. Ekonomia e Shqipërisë, ku të ardhurat për frymë mbeten më e ulëtat në Evropë pas Bosnjës, Ukrainës dhe Moldavisë, pothuajse janë dyfishuar në dekadën e fundit, sipas Bankës Botërore.

Clark, i cili ka qenë në bordin e Bankers Petroleum-së që nga viti 2008, dhe më pas drejtor i Petromanas Energy Inc (PMI) vitin e kaluar, ishte komandant i Forcave Aleate të NATO-s në Evropë, kur fushata e bombardimeve të Aleancës së Atlantikut të Veriut, detyroi Serbinë që të tërhiqej nga Kosova, ku shqiptarët etnikë përbëjnë shumicën e popullsisë.

Related Articles

Back to top button