Kosova

Mustafa, deputetëve të LDK-së: Po bëni deklarata populiste

Kryetari i Lidhjes Demokratike të Kosovës (LDK), Isa Mustafa, duke folur për zërat që janë ngritur nga ana e disa deputetëve të LDK-së, e të cilët kanë deklaruar se nuk do ta votojnë kreun e Partisë Demokratike të Kosovës (PDK), Hashim Thaçi për president të Kosovës, ka thënë se këto janë deklarata të ngutshme dhe populliste të disa deputetëve të LDK-së.

mustafa-deputet-euml-ve-t-euml-tij-po-b-euml-ni-deklarata-populiste_hdAi këto komente i bëri gjatë diskutimit të organizuar nga Lëvizja FOL.

Mustafa më tutje ka shtuar se “nëse ata bash nuk dëshirojnë që ta votojnë Thaçin për President të vendit, le ta presin së paku kohën kur votohet për President, e jo të bëjnë fushatë politike prej tash”.

“Ka qenë vendim i organeve të LDK-së, që të ndodh marrëveshje me PDK-në. Kjo marrëveshje (LDK-PDK) nuk e kam shkruar unë vetë, por kjo është bërë në bazë të vullnetit të pjesës më të madhe të Këshillit Drejtues të partisë. Kemi biseduar rreth katër orë, dhe pas shumë diskutimeve, më shumicën absolute të anëtarëve të Këshillit, është votuar marrëveshja me PDK-në”, ka thënë Mustafa, transmeton Telegrafi.

Ai ka theksuar se çdo anëtar dhe deputet i LDK-së, duhet ta respektojë vendimin e organit më të lart të partisë, duke shtuar se “nuk mund dhe nuk do t’i ndalojë ata që po dalin dhe po e kundërshtojnë marrëveshjen me PDK-në”.

“Ajo që e di është se LDK-ja do t’i qëndrojë marrëveshjes me PDK-në, e ajo nënkupton që Thaçi (si pjesë e marrëveshjes) do të mbështetet për President. Ata që nuk e përkrahin këtë marrëveshje, duhet ta dinë se cilat do të jenë pasojat për vendin, nëse për arsye personale lejojmë që vendi të futet në një cikël të tillë. Unë jam i bindur që ky proces do të kryhet (zgjidhja e Presidentit). Nuk shoh arsye që të zhvillojmë fushatë një vjet më herët. Ne jemi serioz në marrëveshjet që i bëjmë”, ka shtuar Mustafa.

Related Articles

Leave a Reply

Your email address will not be published. Required fields are marked *

Back to top button