Sulmohet me brisk ambasadori amerikan në Korenë e Jugut (Video)

Ambasadori amerikan në Korenë e Jugut u plagos, gjatë kohës që jepte një konferencë në Seul. “The Independent” shkruan se ambasadori i SHBA-ve, Mark Lippert, u sulmua gjatë një konference për marrëdhëniet SHBA-Kore e Jugut.

Sipas mediave vendase, bëhet me dije se një person hyri në sallën ku po mbahej konferenca dhe thirri “Koreja e Veriut dhe e Jugut duhet të bashkohen” dhe “Jo trajnimeve për luftë”, duke sulmuar më pas diplomatin Lippertin.

Agresori sulmoi ambasadorin me një brisk rroje, duke i shkaktuar gjakderdhje në pjesën e dorës.

Ambasadori Lippert u dërgua në spital për të marrë ndihmën mjekësore, ndërsa agresori i identifikuar si Kim Ki-jong, 55 vjeç, përfundoi në prangat e policisë.