Tritol pranë maternitetit, policia izolon zonën

Një informacion i marrë se në një pallat pranë zonës së maternitetit “Gliozheni” mund të jetë vënë një sasi tritoli, e ka detyruar policinë të bllokojë zonën. Pas kontrolleve forcat e rendit gjetën një pako të dyshimtë, prej të cilës duket një fitil që shërben për ndezjen e eksplozivit. Forca të shumta të policisë dhe një njësi antieksploziv gjenden në vendngjarje. Dyshohet se eksplozivi është vënë pranë një dyqani kompjuterash, në pronësi të një personi me precedentë penalë, i cili për momentin nuk gjendet në Shqipëri.