Politika

Protesta e PD-së të enjten, paqësore apo e dhunshme?

Opozita ka thirrur të gjithë qytetarët në një protestë ditën e enjte për të kërkuar dorëheqjen e kreut të Parlamentit, Ilir Meta, që nga deklaratat e deritanishme të bëra nga PD-ja parashikohet të jetë paqësore.

Arkiv
Arkiv

Nga burime brenda PD-së, mësohet se protestuesit me pankarta në duar do nisin marshimin nga sheshi “Skënderbej”, për të vijuar drejt institucioneve kryesore Kryeministri, Kuvend. Nisur nga protestat e kaluara të opozitës, mendohet se protesta do të jetë paqësore, por nga ana tjetër, deklarata të tipit “protesta do e tejkalojë opozitën”, lënë vend për aludime.

Nisur nga zhvillimet, institucionet dhe organet e rendit po përgatiten për çdo skenar të protestës që pritet të jetë më e madhja.

Një e përditshme pranë qeverisë thotë se ka një skenar të dhunshëm, që ka shqetësuar diplomatët e huaj. Disa media të tjera thonë se ka një skenar për të bllokuar deputetët e mazhorancës brenda në Kuvend.

Nga burime brenda PD-së, pohohet se për ditën e enjte është bërë një skenar i hapur: marshim, pankarta, brohoritje, fjalime, thirrje dhe ndoshta përplasje të vogla me policinë, që do të shkojnë drejt ashpërsimit. Ndërsa pjesa tjetër e manifestimit do të jetë më pas: bllokimi i kryeministrisë, selisë së Kuvendit dhe më pas edhe të parlamentit. Synimi është që të ketë bllokim disa ditor, në mënyrë që Meta as të futet dhe as të mos dalë nga zyra dhe po ashtu edhe strukturat e qeverisë, jo vetëm të kryeministrisë, të jenë të bllokuara.

Por nga ana tjetër edhe qeveria është e përgatitur për çdo zhvillim, duke rritur gatishmërinë. Gjithashtu mësohet se do të ketë përballë protestuesve edhe mbështetës dhe popull krah mazhorancës që do marrë përsipër mbrojtjen e institucioneve.

Lidhur me protestën e së enjtes do të ketë edhe një takim të përfaqësuesve të bashkësisë ndërkombëtare, me liderë të opozitës për t’i bërë të qartë se nuk do të ketë përkrahje nëse demonstrata kalon në dhunë dhe nëse ajo do të përpiqet të bllokojë jetën politike dhe ekonomike të vendit.

Policia e Shtetit dhe Garda e Republikës do të miratojnë sot një një plan masash për tju përgjigjur çdo situate që mund të krijohet nga protestat e opozitës.

Related Articles

Leave a Reply

Your email address will not be published. Required fields are marked *

Back to top button