Udhëheqësi i ISIS-it bën thirrje për shkatërrimin e piramidave në Egjipt

Udhëheqësi i organizatës terroriste “Shteti Islamik”, Abu Bakr al-Bagdadi, u ka bërë thirrje pjesëtarëve të organizatës që të shkatërrojnë piramidat në Egjipt.

Siç shkruajnë mediat botërore, udhëheqësi ka porositur se shkatërrimi i tyre është një “detyrë fetare”. Kërkesën e tij e ka mbështetur edhe një klerik nga Kuvajti, transmeton Telegrafi.

Thirrja për shkatërrimin e piramidave ka ardhur vetëm disa ditë pasi terroristët në pjesën veriore të Irakut kishin shkatërruar tri qytete të lashta.

Sipas interpretimit të ekstremistëve islamikë, skulpturat, idhujt dhe falltoret janë të ndaluara me fe.