Emiratet e Bashkuara Arabe, fëmija fiton 1 mln dirham në një lotari

Është vetëm 7 vjeç por bëhet milioner falë lotarisë që ka fituar në një qendër tregtare me rastin e përvjetorit të saj.

Një fëmijë me origjinë siriane, rezident në  Ras al Khaima, një nga 7 vendet që përbëjnë Emiratet e Bashkuara Arabe, ka marrë përpara qindra klientëve të qendrës tregtare dhe kamerave të mediave vendase një çek gjigand, me një vlerë prej një milion dirham, monedha që përdorin Emiratet e Bashkuara Arabe.

Kjo është një shumë e madhe. Një milion dirham përkthehet në 253.684 euro,  shifër  kjo e konsiderueshme për një fëmijë.