Home / Kronika / Gazetari Artan Hoxha: Video që u gjet në celularin e Santos (VIDEO)

Gazetari Artan Hoxha: Video që u gjet në celularin e Santos (VIDEO)

Gazetari investigativ Artan Hoxha, ka zbardhur një detaj nga një bisedë që ka pasur me bankierin Artan Santo, i ekzekutuar sot në zonën e ish-Bllokut. Hoxha tregon se në celularin e Santos ndodhej një video ku ish-kryeministri Sali Berisha i kishte sulmuar të dy në një konferencë me gazetarët. Hoxha shprehet se Santo është ndjerë i fyer nga ai mesazh i Berishës pasi në atë që thuhej nuk kishte asgjë të vërtetë.

Postimi i gazetarit Hoxha në Facebook:

Kjo është deklarata e shkëputur nga konferenca per median e Berishës me 13 maj 2014, dhe prokuroria e ka gjetur të regjistruar ne celularin me nr 0692023116 të cilin Artan Santo e mbante sot paradite në dorë, në momentin që u qellua barbarisht nga vrasës të paguar… E kam takuar Tan Santon të nesërmen e kësaj deklarate në zyrën e tij. Ishte tepër i zhgënjyer dhe njëkohësisht shumë i fyer… jo pse dikush, te cilin ai e kishte respektuar po e sulmonte politikisht, por sepse nuk kishte asgjë të vërtetë nga ajo që thuhej për të, në lidhje me rastin Riformato… Tani prehu i qetë, ata që guxuan të të sulmonin në mënyrë të paskrupullt dhe të ndyrë, sot së paku duhet të jenë ndjerë të turpëruar para trupit tënd të pajetë, që dergjej në zemër të Tiranës”, shkruan Hoxha.

%d bloggers like this: