Mustafa: FSK, e gatshme të bëhet ushtri

Kryeministri i Kosovës, Isa Mustafa, tha se Qeveria që ai drejton do të përmbushë të gjitha detyrat që FSK të bëhet Forcë e Armatosur të Kosovës, e cila do të jetë e gatshme për t’i shërbyer paqes, luftës kundër terrorizmit dhe sigurisë në rajon.

Ai këto komente i bëri gjatë ceremonisë zyrtare të dorëzim-pranimit të detyrës të Komandantit të Forcës së Sigurisë së Kosovës (FSK), ku theksoi se Kosova është krenare me FSK-në.

“FSK është bërë faktor i rëndësishëm i paqes dhe stabilitetit, duke kontribuar në misione paqeruajtëse nëpër botë. Besojmë që Rrahman Rama do të vazhdojë rrugën e transformimit në Forcë të Armatosur”, ka thënë ai.